பில்கிளிண்டனும், நம்ம ஊரு சூப்பர்ஸ்டாரும் விரும்பிய தமிழர்.!

பில் கிளிண்டன் (US President) இந்தியா வந்தபோது அரசு சாரா இருவரை சந்திக்க விரும்பினார். ஒருவர் டாக்டர் ஏ.பி.ஜே. அப்துல்கலாம், இன்னொருவர் பாலம் கல்யாணசுந்தரம் ?
யார் இந்த பாலம் கல்யாணசுந்தரம், அப்துல் கலாமை சந்திப்பதில் வியப்பொன்றுமில்லை. ஏன் என்றால் அவர் அறிவியல் அறிஞர், நாட்டின் ஜனாதிபதி. ஆனால் பாலம் கல்யாணசுந்தரத்தை சந்திக்க விரும்பினார் என்பதுதான் எல்லோருக்கும் ஆச்சர்யமாக இருந்தது.

35 ஆண்டுகள் பேராசிரியர் பதவியில் பணிபுரிந்து, தான் பெற்ற சம்பளம் அனைத்தையும் ஏழை மக்களின் நலனுக்காக செலவிட்டு, தமது சொந்தச் செலவிற்கு ஒரு உணவகத்தில் சர்வராக வேலை பார்த்தவர்.

இவ்வாறு 35 ஆண்டுகளாகத் தான் பெற்ற ஊதியம் 30,00,000/- (ரூபாய் முப்பது லட்சத்தையும்) முழுமையாகக் கொடுத்து வரலாறு படைத்தார் இந்த பாலம் கல்யாணசுந்தரம் அவர்கள்.

உலகில் எந்த நாட்டைச் சேர்ந்த மத்திய, மாநில அரசு ஊழியர்களோ, தனியார் நிறுவனத்தில் வேலை செய்பவர்களோ இவ்வாறு செய்ததில்லை என்பதால் அமெரிக்காவில் “ஆயிரம் ஆண்டுகளில் சிறந்த மனிதர்” (Man of Millinium) என்ற விருதுக்கு தேர்ந்தெடுக்கப்பட்டு, 6.5 மில்லியன் டாலர் (30 கோடி) பரிசாகப் பெற்றார். அதையும் குழந்தைகள் நலனுக்காக அளித்து உலகில் கோடிக்கணக்கானவர்களை வியப்பில் ஆழ்த்தினார்.

தன் பங்கிற்குக் குடும்பத்தில் கிடைத்த ரூ.50 லட்சம் மதிப்புடைய சொத்தில் தனக்கென்று எதுவும் வைத்துக் கொள்ளாமல் மக்களுக்கு அளித்து தனக்குப்போக தானம் என்பதை மாற்றிக் காட்டினர் பாலம் ஐயா அவர்கள்.

நம்ம ஊரு சூப்பர் ஸ்டார் ரஜினிகாந்த பாலம் ஐயாவை தனது தந்தையாக தத்தெடுத்துக் கொண்டார். ஆனால் ஓரிரு மாதத்தில் தனது பழைய வசிப்பிடத்துக்கே சூப்பர் ஸ்டாருக்கு நன்றி கூறிவிட்டு திரும்பினார் ஐயா அவர்கள் .

தன் பேருக்குப் பின்னால் M.A(Litt)., M.S.(His)., M.A.(GT)., B.Lip.Sc., DCT, DRT, DMTI, FNCW, DS என 36 எழுத்துக்குச் சொந்தக்காரரான இவர், அனைத்திலும் பல்கலைக்கழகத்தில் முதலிடம் பெற்றார்.

ஏழைகளின் துயரினை நேரிடையாக அறிந்துகொள்ள 7 ஆண்டுகள் நடைபாதை வாசியாகவே வாழ்ந்தார். 30 ஆண்டுகளுக்கு முன்பாகவே தன் உடல் உறுப்புகளை மருத்துவக் கல்லூரிகளுக்குத் தானமாக எழுதி வைத்துவிட்டார்.

வாழ்நாள் முழுவதும் ஒரு சென்ட் நிலம், ஒரு ஓலை குடிசை, ஒரு சல்லிக் காசு இல்லாமல் அனைத்தையும் நாட்டு மக்களுக்காக அர்ப்பணித்து திருமண வாழ்வையும் தியாகம் செய்தவர்.

கேம்பிரிட்ஜ் பல்கலைக்கழகம் ‘A Most Notable intellectual’ in the World என்ற பட்டத்தை வழங்கியதுடன் நூலகத்துறைக்கு நோபல் பரிசு இருந்தால், அதனைப் பெறத் தகுதி இவருக்கு உண்டு என்ற குறிப்பையும் வழங்கியது.

பிரபல ரியல் எஸ்டேட் அதிபர் அரிமா லியோ முத்து அவர்கள் சென்னை மையப்பகுதியில் பல கோடி மதிப்புள்ள வீட்டு மனையை ஐயாவிற்கு பரிசாக அளித்தார். ஆனால், அது தனது கொள்கைக்கு முரணானது என அப்பரிசை ஏற்றுக்கொள்ள பணிவுடன் மறுத்துவிட்டார். இந்தக் காலத்தில் இப்படியும் ஒரு மனிதர்.!

20-ம் நூற்றாண்டின் இணையற்ற சாதனையாளராக ஐ.நா சபை உலகெங்கிலும் தேர்ந்தெடுத்த 20 நபர்களில் கல்யாணசுந்தரமும் ஒருவர். பாலம் ஐயாவைப் பற்றிய ஆவணப்படம் நார்வேயில் நடைபெற்ற சர்வதேச திரைப்பட விழாவில் சிறப்பு பரிசு பெற்றது.

பாலம் ஐயா மருத்துவமனையில் இருந்தபோது மருத்துவச் செலவிற்காக மக்களிடம் ஒரு ரூபாய் வேண்டினார். இவரது வேண்டுகோளை மதித்து மேயர், சபாநாயகர், கவர்னர் மட்டுமல்லாமல் அன்றைய குடியரசுத் தலைவர் டாக்டர் ஏ.பி.ஜே. அப்துல்கலாம் அவர்களும் ஒரு ரூபாய் அனுப்பினார்கள்.

கோடிக்கணக்கில் அள்ளிக் கொடுத்த இவர் ஏழைகளுக்குக் கிட்டாத உணவையோ, உடையையோ, இருப்பிடத்தையோ பயன்படுத்தாமல் எளிய வாழ்க்கை வாழ்ந்து வருபவர் என்பது குறிப்பிடத்தக்கது. இன்றும் சென்னையின் புறநகரில் தனியாகத்தான் வசித்து வருகிறார்.

பாலம் ஐயாவின் தந்தையார் பால்வண்ணநாதன், ஒரு கோயிலின் அறங்காவலராக இருந்தபோது கோயில் பணியாளர் கோயில் வளாகத்திலுள்ள பலா மரத்திலிருந்து ஒரு பலாப்பழத்தை எடுத்து வந்து வீட்டில் கொடுத்தார். அதில் சில சுளைகளை மனைவியும், குழந்தைகளும் சாப்பிட அதனை மாபெரும் குற்றமாகக் கருதி அதற்கு பிரயாச்சித்தமாக ஒரு வயலையே கோயிலுக்கு எழுதி வைத்தார். அதன் இன்றைய மதிப்பு பல கோடி.

பாலம் ஐயாவின் அன்னையார் தாயம்மாள்.

1. எதற்காகவும் பேராசைப்படாதே.
2.  எது கிடைத்தாலும் பத்தில் ஒன்றை தானம் செய்.
3. தினமும் ஓர் உயிருக்கு நல்லது செய்தால் வாழ்க்கையில் எப்போதும் மகிழ்ச்சி நிலவும் என்று தாயார் வழங்கிய அறிவுரையே அவரது அனைத்து சேவைகளின் மையமாகத் திகழ்கிறது. எல்லாவற்றிலும் சிறப்பு, நமது தேசத்தந்தை காந்தியடிகளின் உதவியாளராக சில காலம் சேவை செய்தார். இதுவல்லவோ பெரும் தகுதி….! வாழ்க பாலம் கல்யாணசுந்தரம். வளர்க அவர் தம் சேவை..!
சென்னையில் பாலாறு பதிப்பகம் நடத்தும் எல்லா கண்காட்சி அரங்கிலும், எனது அழைப்பை ஏற்று தவறாமல் வந்து ஆசி வழங்குவார். அவர்தான் நம்மைப் போன்ற இளையதலைமுறைகளின் நம்பிக்கை நட்சத்திரம். வாழ்க எம்மான்!

Only service mind has a beautiful Heart’s. மக்கள் சேவையே மகேசன் சேவை. !